कांग्रेस संसदीय दलको बैठक बस्दै

काठमाडौं:  नेपाली कांग्रेस संसदीय दलको बैठक आज बस्दैछ । बैठक अपराह्न २ बजे सङ्घीय संसद् भवनमा बोलाइएको कांग्रेस संसदीय दलका प्रमुख सचेतक रमेश लेखकले जानकारी दिएका छन् ।

नेता लेखकका अनुसार बैठकमा आगामी सोमबारदेखि हुने हिँउदे अधिवेशनमा कसरी प्रस्तुत हुने भन्ने बारेमा छलफल हुने बताइएको छ।
संसद्मा जतिसक्दो धेरै विधेयक प्रस्तुत गर्ने र त्यसलाई अगाडि बढाउनका लागि पार्टीका तर्फबाट सांसदले निर्वाह गर्नुपर्ने भूमिकाका बारेमा पनि छलफल गरिने पनि उनले बताएका छन् ।