सार्वजनिक बिदाबारे अध्ययन गर्न कार्यदल गठन-दुई दिने बिदापछि बिदा पुनरावलोकन गरिँदै

काठमाडौँ — सरकारले हाल दिइँदै आएका सार्वजनिक बिदाहरूको पुनरावलोकन गर्न एक विशेष कार्यदल गठन गरेको छ। सरकारका सचिवहरूको बैठकले दुई दिने सातान्त बिदा  (शनिबार र आइतबार) लागु भएपछिको अवस्थालाई ध्यानमा राख्दै बिदाको समग्र व्यवस्थापन र पुनरावलोकन गर्न आवश्यक रहेको निष्कर्ष निकाल्दै उक्त निर्णय गरेको हो।

बिदा पुनरावलोकनका लागि गृह मन्त्रालयका सहसचिवको संयोजकत्वमा पाँच सदस्यीय कार्यदल बनाइएको छ। कार्यदलमको संयोजकमा गृहमन्त्रालयका सहसचिव रहने गरी गठन गरिएको छ । जस अन्तर्गत सदस्यहरूमा प्रधानमन्त्री तथा मन्त्रिपरिषद्को कार्यालय प्रतिनिधि, भूमि व्यवस्था, सहकारी तथा गरिबी निवारण मन्त्रालय,प्रतिनिधि, सङ्घीय मामिला तथा सामान्य प्रशासन मन्त्रालय प्रतिनिधि र अर्थ मन्त्रालयका प्रतिनिधि रहने भएका छन् ।

गठित कार्यदललाई १५ दिनभित्र बिदा पुनरावलोकनसम्बन्धी अध्ययन तथा सिफारिससहितको प्रतिवेदन गृह मन्त्रालयसमक्ष पेस गर्ने जिम्मेवारी दिइएको छ। कार्यदलको प्रतिवेदनका आधारमा सरकारले आगामी सार्वजनिक बिदाहरूबारे आवश्यक परिमार्जन तथा निर्णय लिनेछ।