विमान दुर्घटनामा महाराष्ट्रका उपमुख्यमन्त्री अजित पवार घाइते

काठमाडौं । भारत महाराष्ट्रको बारामतीमा बुधबार बिहान उपमुख्यमन्त्री अजित पवार सवार निजी चार्टर्ड विमान दुर्घटनाग्रस्त भएको छ ।

बुधबार बिहान ८ः४५ बजे मुम्बईबाट बारामतीका लागि उडेको चार्टर विमान अवतरणक्रममा विमान रनवेबाट चिप्लिएर दुर्घटना भएको बताइएको छ ।

उनी जिल्ला परिषद् निर्वाचनसँग सम्बन्धित कार्यक्रममा सहभागी हुन बारामती जाँदै थिए । विमानमा अजित पवारसँगै उनका निजी सहायक, सुरक्षाकर्मी तथा विमानका कर्मचारी पनि सवार थिए । दुर्घटनामा उनीहरू सबै घाइते भएको खबर छ ।

दुर्घटनास्थलमा ठूलो संख्यामा स्थानीय बासिन्दा, स्थानीय प्रशासन, एम्बुलेन्स तथा मेडिकल टोली र उद्धार टोली खटिएका छन् । घटनाबारे थप विवरण आउन बाँकी छ ।