काठमाडौँ । नेपाली कांग्रेसको विशेष महाधिवेशनको लागि भन्दै हल बुकिङ गरिएको छ ।
कांग्रेसको विशेष महाधिवेशन पक्षधर पुस २७ र २८ गतेगरी दुई दिनका लागि भृकुटीमण्डपको हल बुकिङ गरेका छन्। विशेष महाधिवेशनका लागि भन्दै भृकुटीमण्डपको हल बुकिङ गरिएको विशेष पक्षधर केन्द्रीय सदस्य प्रतिमा गौतमले बताइन्।
नियमित महाधिवेशनको सम्भावना सकिएपछि पार्टी स्वतः विशेष महाधिवेशनतिर अघि बढेको उनले बताइन्।
गौतमका अनुसार ‘हल बुकिङ भइसकेको छ, उहाँहरू अहिले सानेपा जाँदै हुनहुन्छ, त्यहाँ पुगेपछि सभापतिलाई आफ्नो तयारीबारे जानकारी गराउनुहुन्छ।’
कांग्रेसका ५४ प्रतिशत महाधिवेशन प्रतिनिधिले असोज २९ गते विशेष महाधिवेशन माग्दै हस्ताक्षर बुझाएका थिए।
विशेष महाधिवेशन माग भएको तीन महिनाभित्र बोलाउनुपर्ने बाध्यकारी विधान अनुसार नै महामन्त्रीद्वय अघि बढेका हुन्।
तर संस्थापन पक्ष भने नियमित कार्यतालिका नै परिवर्तन गरेर चुनावपछि मात्रै महाधिवेशन गर्ने पक्षमा छ।
सम्वन्धित समाचार
सङ्घीय संसदका दुवै सदनको बैठक बस्दै, यस्ता छन् कार्यसूची
बारको शौचालयमा यौनसम्बन्ध राखेको आरोपपछि किशोरी पक्राउ
कांग्रेस इतर समूहको राष्ट्रिय भेलालाई देउवाले सम्बोधन गर्ने
शिक्षा समितिको बैठक आज पनि स्थगित
सार्वजनिक बिदाबारे अध्ययन गर्न कार्यदल गठन-दुई दिने बिदापछि बिदा पुनरावलोकन गरिँदै
स्पेनले उचाल्यो दोस्रो पटक विश्वकप