२४ वर्षीय ढकाल एमाले महाधिवेशन प्रतिनिधि

काठमाडौं । नेकपा एमालेको ११ औँ महाधिवेशनको लागि २४ वर्षीय सन्देश ढकाल प्रतिनिधि निर्वाचित भएका छन् ।  पाल्पा क्षेत्र नं. १ को युवा क्लस्टरबाट २४ वर्षीय ढकाल निर्वाचित भएका हुन् ।

कूल ४६५ मतमध्ये ढकालले २५६ मत प्राप्त गरेका हुन् । निर्वाचनमा उनका प्रतिद्वन्द्वी विजय रानाभाटले ७३ मत तथा तेज घर्ती मगरले १२७ मत ल्याए ।

ढकाल अहिले अनेरास्ववियु पाल्पा जिल्ला कमिटीका अध्यक्ष छन् । एमालेले महाधिवेशनका लागि देशभरबाट प्रतिनिधि छनोट गरिरहेको छ ।

एमाले प्रतिनिधि सभा निर्वाचन क्षेत्रलाई एउटा क्षेत्र बनाएर प्रतिनिधि चयन गरिरहेको छ ।