बाजुरामा जीप दुर्घटना २ को मृत्यु, १५ जना घाइते

बाजुरा । जिल्लाको हिमाली गाउँपालिका-५ किउडीबाट धुलाचौरका लागि छुटेको बा प्र.०३००१ ज ०३३८ नम्बरको जीप टुनीगडामा दुर्घटना हुँदा २ जनाको मृत्यु १५ जना घाइते भएका छन् ।

दुर्घटनामा २ जनाको घटनास्थलमै मृत्यु भएको गाउँपालिका अध्यक्ष गोविन्दबहादुर मल्लले जानकारी दिए ।

मृतकहरूमा हिमाली गाउँपालिका-५ की ७६ वर्षीया बाचा रोकाया र सोही ठाउँकी ७५ वर्षीया विजौरा रोकाया छन् । दुर्घटनामा १५  जना घाइते भएको र तीमध्ये १२ जनाको अवस्था गम्भीर छ ।

जीपमा २६ जना सवार थिए । क्षमताभन्दा बढी यात्रु रहेकोले दुर्घटना भएको प्रहरीको प्रारम्भिक अनुमान छ ।