मालपोत कार्यालय भक्तपुरका प्रमुख घुससहित पक्राउ

काठमाडौं । भक्तपुर मालपोत कार्यालयका प्रमुख र एक सहयोगी २४ लाख ५० हजार रूपैयाँ घुससहित पक्राउ परेका छन् ।

अख्तियार दुरुपयोग अनुसन्धान आयोगले मालपोत कार्यालय भक्तपुरका प्रमुख कुमार आचार्यलाई र सहयोगी टीकाराम राउतलाई रंगेहात नियन्त्रणमा लिएको हो ।

जग्गासम्बन्धी कामको सिलसिलामा उनीहरुले घुस मागेको भन्दै परेको उजुरीका आधारमा मंगलबार अख्तियारले मालपोत कार्यालयमा छापा मारेको थियो ।

त्यसक्रममा रकम समेत बरामद भएको अख्तियार स्रोतले बतायो ।

उनीहरूले भक्तपुरको चाँगुनारायण नगरपालिकामा रहेको १४ रोपनी ४ आना जग्गा मोही र तलसिङको लगत कट्टागरी मोहीको नाममा जग्गाधनी प्रमाणपत्र बनाउन घुस लिएको आरोप छ ।