ओलीसँगको भेटवार्ता फलदायी रह्यो : मोदी

काठमाडौं । प्रधानमन्त्री केपी शर्मा ओलीसँग भारतीय सकमक्षी नरेन्द मोदीले थाइल्यान्डको बैंककमा भेटवार्ता गरेका छन् ।

शुक्रबार भेटवार्तापछि भारतीय प्रधानमन्त्री मोदीले समकक्षी ओलीसँगको भेटवार्ता फलदायी सामाजिक सञ्जालमा पोस्ट गरेर दुई देशको सम्बन्ध बलियो भएको बताएका छन् ।

आफ्नो सामाजिक सञ्जालमा मोदीले नेपाली भाषा प्रयोग गरेर लेख्दै उक्त टिप्पणी गरेका हुन् ।

मोदीले नेपालसँगको सम्बन्धमा भारतले प्राथमिकता दिने भन्दै ओलीसँगको भेटमा ऊर्जा, कनेक्टिभिटी, संस्कृति र डिजिटल प्रविधिका क्षेत्रमा छलफल भएको लेखेका छन् ।

बिमस्टेकको माहोलमा विपत् व्यवस्थापन र सामुद्रिक यातायातका क्षेत्रमा सकारात्मक नतिजा आएको पनि मोदीले लेखेका छन् ।