फुङलिङमा ‘नो केबलकार समूह’ र प्रहरीबीच झडप हुँदा ११ जना घाइते

ताप्लेजुङ ।  ‘नो केबलकार समूह’ र प्रहरीबीच ताप्लेजुङ सदरमुकाम फुङलिङमा शनिबार साँझ झडप भएको छ । झडपमा परी ११ जना घाइते भएका छन्।

प्रहरीका अनुसार घाइतेमध्ये आठ जना सुरक्षाकर्मी र तीन जना आन्दोलनरत पक्षका सदस्य रहेका छन्। घाइतेहरूको ताप्लेजुङ जिल्ला अस्पताल र तामोर अस्पतालमामा उपचार जारी छ।

उनीहरूको अवस्था सामान्य रहेको बुझिएको छ। काफ्लेपाटी क्षेत्रबाट फर्किएको समूहले शनिबार साँझ ‘नो केवलकार’ अभियानका समर्थकहरूले मसाल जुलुससहित नाराबाजी गरिरहेका बेला सुरक्षाकर्मीले राँको नियन्त्रणमा लिन खोजेपछि दोहोरो झडप भएको हो।

वीरेन्द्रचोकमा पुगेका आन्दोलनकारीहरूलाई नियन्त्रणमा लिन खोज्दा उनीहरू र सुरक्षाकर्मी बिच धक्कामुक्की भएको थियो। सोही क्रम चर्कँदै गएपछि झडप उग्र बनेको हो।