सिलिण्डर विस्फोटमा घाइते भएका दुई जनाको उपचारको क्रममा मृत्यु

काठमाडौं–काठमाडौंको कमलपोखरीस्थित शानदार म म पसलमा ग्यास सिलिण्डर विस्फोट हुँदा घाइते भएका दुई जनाको उपचारको क्रममा मृत्यु भएको छ । गत बिहीबार भएको ग्यास सिलिण्डर विष्फोटमा घाइते भएका मध्ये दुई जनाको मृत्यु भएको हो।

मृत्यु हुनेमा मकवानपुर हेटौँडाका रविन राई र उदयपुरका भीम बहादुर घले रहेका छन् । कीर्तिपुरस्थित बर्न अस्पतालमा उपचाररत उनीहरूको गएराति मृत्यु भएको प्रहरीले जनाएको छ ।

ग्यास सिलिण्डर विष्फोटपछिको आगलागीमा परी सोही पसलमा काम गर्ने ११ कामदार घाइते भएका थिए । अन्य घाइतेहरुको उपचार जारी रहेको छ ।