काठमाडौंको एक मम पसलमा ग्याँस सिलिण्डर विस्फोट,११ जना घाइते

काठमाडौं–काठमाडौंको कमलपोखरी स्थित एक मःम पसलमा ग्याँस सिलिण्डर विष्फोट भएको छ । विहिबार बिहान पौने ९ बजेको समयमा विष्फोट हुँदा १४ जना घाइते भएका छन् । घाइतेमध्ये ११ जनालाई अस्पताल लगिएको छ भने तीन जना सामान्य अवस्थामा रहेका छन् ।

काठमाडौं उपत्यका प्रहरी कार्यालयका अनुसार त्यहाँस्थित सानदार मस्म पसलमा ग्याँस सिलिण्डर पड्किएको हो । घाइते हुनेहरु पनि सोही पसलका कामदार रहेको उनले बताए ।

घाइतेमध्ये एक जनाको अवस्था गम्भीर छ । उदयपुरका २४ वर्षीय संजोग मगर गम्भीर घाइते भएको प्रहरीले जनाएको छ । घाइतेहरुमध्ये पाँच जनालाई कीर्तिपुरको बर्न अस्पतालमा लगिएको छ ।