एमालेले बोलायो संसदीय दलको बैठक

काठमाडौं– सत्ताको नेतृत्व गर्दै आएको नेकपा एमालेले संसदीय दलको बैठक आव्हान गरेको छ । सरकारले संघीय सदन अधिवेशन आव्हान गरेसँगै एमालेले आवश्यक छलफल गर्नका लागि संसदीय दलको बैठक आव्हान गरेको हो ।

नेकपा एमाले संसदीय दलका मुख्य सचेतक महेश बर्तौलाका अनुसार बानेश्वरस्थित संसद् भवनको ल्होत्से हलमा मंगलबार दिउँसो १ बजेलाई बैठक बोलाइएको हो।

संसद्को हिउँदे अधिवेशन यही माघ १८ गतेदेखि सुरु हुँदैछ। मुख्य सचेतक बर्ताैला र प्रधानमन्त्री ओलीबीचको छलफलपछि बैठक आगामी मंगलबारका लागि बोलाएको हो ।

संसद्‍मा कसरी प्रस्तुत हुने भन्ने विषयमा रणनीति बनाउनका लागि एमालेले संसदीय दलको बैठक बोलाएको जनाएको छ ।