माघ १८ गते संसद अधिवेशन आव्हानका लागि सिफारिस गर्ने सरकारको निर्णय

काठमाडौँ । सरकारले संघीय संसद्को हिउँदे अधिवेशन माघ १८ गते बोलाउने निर्णय गरेको छ । सोमबार अपरान्ह् बसेको मन्त्रिपरिषद बैठकले माघ १८ गते संघीय संसदको दुवै सदनको बैठक बोलाउन राष्ट्रपति रामचन्द्र पौडेलसमक्ष सिफारिस गरेको हो ।

‘माघ १८ गते शुक्रबार दिउँसो १ बजे संसद बैठक बोलाउन राष्ट्रपति पौडेललाई सिफारिस गर्ने निर्णय गरेको छ’, एक मन्त्रीले रातोपाटीलाई बताए ।

विपक्षी दलहरुले सरकारले संसद अधिवेशन बोलाउन ढिला गरी अध्यादेश मार्फत अघि बढेको भन्दै विरोध जनाउँदै आएका थिए ।