निजी क्षेत्रका समस्या समाधान गर्दै सरकार अगाडि बढ्छ : मन्त्री भण्डारी

काठमाडौं । सरकारले आज १०औं उद्योग दिवस मनाएको छ । ‘उद्यमशील संस्कृतिः राष्ट्रको समृद्धि’ भन्ने नाराका साथ उद्योग दिवस मनाइएको हो ।उद्योग वाणिज्य तथा आपूर्ति मन्त्रालयको आयोजनामा आज १०औं उद्योग दिवसको कार्यक्रम भएको हो ।

नेपाल उद्योग वाणिज्य महासंघका उपाध्यक्ष सुरकृष्ण बैधेले देशको आर्थिक अवस्था पछिल्लो २ वर्षदेखि खराब रहेको बताए ।

उनले भने, ‘अहिले उद्योगले गर्ने बस्तु उत्पादन कटौती भैरहेको छ । बस्तु उत्पादनको लागत वृद्धि भइरहेको छ । तयारी बस्तुभन्दा कच्चा पदार्थको मुल्य एक तह कम हुनु पर्ने हो । तर, त्यस्तो छैन । सरकारले उत्पादनभन्दा पनि आयातमूखी अर्थतन्त्र तर्फदेश अगाडि बढिरहको देखिन्छ ।

नेपालमा हाल उद्योग विभागको तथ्यांक अनुसार ९ हजार ५ सय १९ वटा उद्योगहरु रहेका छन् । जसमा ठूला १ हजार ४ सय १९, मझौला २ हजार १ सय ३९ र साना ५ हजार ९ सय ६१ रहेका छन् ।

१९९२ मंसिर ९ गते नेपालमा पहिलोपटक उद्योग परिषद स्थापना भएको दिनलाई स्मरण गर्दै २०७२ सालदेखि उद्योग दिवस मनाउन थालिएको हो । २०७१ साल चैत २० गते मन्त्रिपरिषद बैठकले मंसिर ९ गतेलाई उद्योग दिवसको रुपमा मनाउने निर्णय गरेको थियो ।