रास्वपाका सांसदसहित कार्यकर्ताहरु बालुवाटारबाट पक्राउ

काठमाडौ । राष्ट्रिय स्वतन्त्र पार्टी(रास्वपा) ले बालुवाटार क्षेत्रमा प्रदर्शन गरेका छन् । पार्टी सभापति रवि लामिछानेको रिहाइको माग गर्दै आन्दोलनमा उत्रिएका रास्वपाका सांसदसहित कार्यकर्ताहरु पक्राउ परेका छन् ।

प्रहीले बालुवाटारस्थित नेपाल हाउसको अगाडिबाट सांसद अशोककुमार चौधरीसमेत केही नेता कार्यकर्तालाई गिरफ्तार गरेको हो ।

त्यस्तै पक्राउ पर्नेहरूमा काठमाडौं जिल्ला सभापति प्रदीप बिष्ट, ललितपुर जिल्ला सभापति बुद्धरत्न महर्जन, ताप्लेजुङ जिल्ला सभापति वीरेन्द्र कुमार श्रेष्ठसहित १७ जना छन् ।

शान्तिपूर्ण रूपमा उभिएर छलफल गर्दै गर्दा प्रहरीले धरपकड गरेको कार्यवाहक महामन्त्री कविन्द्र बुर्लाकोटीले बताए । राजनीतिक प्रतिशोध, अन्याय, बेथिति र भ्रष्टाचारविरुद्ध भन्दै रास्वपाले प्रदर्शन गरेको हो ।