झ्याप्लेखोलामा पहिरोले पुरिएका २ बसबाट १४ शव निकालियो

काठमाडौं— पृथ्वी राजमार्गको धादिङको झ्याप्लेखोलामा पहिरोले पुरिएका दुईवटा यात्रुवहाक बसबाट १४ जनाको शव निकालिएको छ । शनिबार साँझ काठमाडौं र धादिङबाट खटिएका प्रहरी टोलीले दुवै बसबाट गरी १४ जनाको शव निकालेको काठमाडौं प्रहरी प्रमुख एसएसपी वसन्त रजौरेले जानकारी दिनु भयो ।

प्रहरीका अनुसार, लु १ ज ४५७८ नम्बरको माइक्रोबाट ५ र अर्को नम्बर खुलिनसकेको बसबाट ९ शव निकालिएको हो । खोजी कार्य जारी रहेकोले मृतकको संख्या बढ्न सक्ने प्रहरीले बताएको छ ।

प्रहरी घटनास्थलमा थप खोज तथा उद्धारको काम भइरहेको रजौरेले जानकारी दिनु भयो ।