मन्त्री पाण्डेद्वारा एक महिने मन्त्रालयस्तरीय कार्यतालिका सार्वजनिक 

काठमाडौं : संस्कृति पर्यटन तथा  नागरिक उड्डयनमन्त्री बद्री पाण्डेले एक महिने कार्यतालिका सार्वजनिक गर्नु भएकाे छ ।

साेमबार आर्थिक वर्ष २०८०/०८१ काे चाैथाे त्रैमासिक प्रगति समीक्षा र मन्त्रालयस्तीय विकास समस्या समितिकाे बैठक मार्फत मन्त्रालयकाे कार्यलाई प्रभावकारी बनाउन एक महिने कार्यतालिका सार्वजनिक गर्नु भएकाे हाे । उहाँले आगामी महिनादेखि प्रत्येक बुधबार मन्त्रालयका विभागस्तरिय छलफल गर्नका लागि कार्यतालिका सार्वजनिक गर्नु भएकाे हाे ।

मन्त्रालयले बाेकेका लक्ष्य र उदेश्य हासिल गर्नका लागि युद्वस्तरमा काम गरिरहेकाे बताउनु भएकाे छ। उहाँले आगामी भदाै महिनाकाे पहिलाे बुधबार ५ गते संस्कृति महाशाखा,१२ गते पर्यटन महाशाखा,१९ गते नागरिक उड्डयन र महिनाकाे अन्तिम बुधबार संयुक्त रूपमा छलफल गर्ने गरि तयारी गर्न सचिव र महाशाखा प्रमुखलाई निर्देशन समेत दिनु भयाे । उहाँले सरकार र कर्चारीबीचकाे सम्बन्ध मार्फत मात्रै देशकाे विकास हुनेमा विश्वास व्यक्त गर्नु भयाे ।

त्यसै गरि उहाँले देश सिस्टममा नबस्दा जनताहरूले दुख पाएकाे बताउँदै सिस्टममा लैजानका लागि कर्मचारीलाई हताेतसाहित भन्दा पनि प्राेत्साशन र उत्प्रेरणा दिनु पर्नेमा जाेड दिनु भयाे । उहाँले आर्थिक अनियमितता र भ्रष्टाचारकाे अन्त्य गर्दै सुशासन स्थापना लागि काम गर्ने अठाेट समेत व्यक्त गर्नु भएकाे छ।