एक साता भित्र सरकार ढल्दैछ, ओलीको प्रधानमन्त्री बन्ने बाटो खुला भयो: दुर्गा प्रसाई

मिन बहादुर खड्का काठमाडौ : मेडिकल व्यावसायि बताउने सामाजिक अभियान्ता दुर्गा प्रसाईले एक हप्ता भित्रै सरकार ढल्ने निश्चित भएको दाबी गरेका छन् । यो संगै उनले शेरबहादुर बालकोट पुग्नुका पछाडि वर्तमान सरकार ढल्न सक्ने राजनैतिक कारण स्पष्ट रहेको बताएका छन् । भ्रष्टाचारका फायलहरु खोलिने डरले ओली र देउवा बीच सत्ता समीकरण हुन लागेको आरोप समेत प्रसाईले लगाएका छन् ।

विभिन्न काण्डका फायल खोल्ने छट्पटीले ओली र देउवा बीच हुने सत्ता सहकार्यले एमाले अध्यक्ष ओलीको प्रधानमन्त्री बन्ने ढोका खोलिनु सरह भएको टिप्पणी पनि प्रसाईंले गरेका छन् । आइतवार आफ्नो सामाजिक सञ्जल फेसवुकम स्टार्टस लेख्दै देउवा र ओली माथि खनिएका प्रसाईले पुर्व गृहमन्त्री नारायण काजी श्रेष्ठको भने प्रसंशा गरेका छन् ।

तत्कालीन गृहमन्त्रीले कांग्रेस एमालेका ठुला भ्रष्टाचारका फायलहरु खोलेर साइजमा राखेकै कारण प्रधानमन्त्री प्रचण्डको पद जोगिएको उनले उल्लेख गरेका छन् । एक अर्काको काण्ड लुकाउन सहकार्य हुन लागेको टिप्पणी उनले गरेका छन् । प्रसाईं गृहमन्त्री रबी लामिछाने माथि पनि खनिएका छन् । रबी आफ्नो सहकारी ठगी प्रकरणबाट उनमुक्ति पाउन प्रचण्ड ओलीको खुट्टा ढोगिरहेको उनले उल्लेख गरेका छन् । रबी लामिछानेले भ्रस्टाचार विरुद्ध अपेक्षा अनुसार कदम उठाउन नसकेको आरोप समेत लगाएका छन् ।

यस्तो छ उनले लेखेको स्टार्टस :

शेरबहादुर बालकोट पुग्नुका पछाडि वर्तमान सरकार ढल्न सक्ने राजनैतिक कारण स्पष्ट छन् ।भुटानी सरणार्थी देखी गिरिबन्दु हुँदै अनेक काण्डमा ओली र आर्जु भाउजूको फाइल खोलिने छट्पटीले ओली र शेरबहादुरको स्वार्थ मिल्नु भनेको ओली प्रधानमन्त्री बन्ने सम्भावनाको ढोका खोलिनु हो ।

राजनीति बुझेका पूर्व गृहमन्त्री नारायणकाजी श्रेष्ठले एमाले र कांग्रेसका अनेकन काण्डका फाइल खोलेर दुबैलाई साइजमा राखिदिए । सोही कारण प्रचण्डको प्रम कुर्सी जोगियो ।
अहिले परिस्थिति समान भएपनि पात्र बदलिँदो छ । रवि लामिछाने सहकारी काण्ड बाट पार पाउन पक्ष-विपक्ष सबैको खुट्टा ढोगिरहेका छन् । राजनीति अनुकम्पा आशीर्वादमा मात्रै टिक्दैन भन्ने कुरा रविले सुरुवाती समय देखी नै बुझ्न सकेनन् । उनका अगाडी कांग्रेस र एमालेका ठुला आलुलाई बिग स्पोर्ट्स हानेर सत्ता टिकाउने र लोकप्रियता कमाउने अबसर थियोे तर अहिले त्यो अबसर बिस्तारै कमजोर बन्दै गएको छ ।
रविले अबसरको सदुपयोग सुरु देखी गर्नु पर्ने थियो तर आज सम्म पनि गर्न सकेका छैनन् ।
यथास्थितिमा सरकारका गृहमन्त्री रविले भ्रष्टाचार विरुद्ध उचित कदम उठाउन सकेनन् भने सरकार हप्ता दिनमै ढल्ने निश्चित छ । त्यसपछि न प्रचण्ड संग प्रधानमन्त्री हुने म्याजिक नम्बर रहन्छ । न रवि लामिछानेको राजनीति सहकारी काण्डको दलदल बाट बाहिर आउँन सक्छ ।
यो विशुद्ध सत्य र धरातलमा उभिएर गरेको टिप्पणी हो । कुनै भक्तको मनमा सुइँ जसरी चोपिन गएमा राम राम मात्रै भन्न सकिन्छ । किनकि भ्रष्टाचार विरुद्ध कुनै ठूलो एक्सन नलिएर आफैं भिर खोज्दै हिडिरहेको रविलाई कसैले काध थाप्न सक्दैन ।