बाजुरामा चार हजार बढी बालबालिको निशुल्क मुटुरोग परिक्षण गरियो



बाजुरा: बाजुरामा चार हजार आठ सय बालबालिकाको निशुल्क मुटुरोग परिक्षण गरिएको छ । बडीमालिका नगरपालिकाको सदरमुकाम मार्तडीमा सञ्चालन गरिएको एक दिवसिय निःशुल्क मुटुरोग परिक्षणमा चार हजार आठ सय जना विद्यार्थीहरुको सेवा पाएका हुन ।

नेपाल हृदयरोग निवारण प्रतिष्ठान शाखा बाजुराको आयोजना र नेपाल हृदयरोग निवारण प्रतिष्ठान केन्द्रीय कार्यालय काठमाडौंको सहयोगमा देशका विभिन्न अस्पतालमा कार्यरत मुटुरोग विशेषज्ञ डाक्टरको टोली दुर्गम जिल्ला बाजुरा पुगेर सञ्चालन गरिएको शिविरमा सामुदायिक तथा निजी विद्यालयमा अध्यनरत विद्यार्थीहरुको निःशुल्क मुटुरोग परिक्षण गरिएको छ ।

सदरमुकाम मार्तडी स्थित मालिका नमुना मावि, बाल मन्दिर आधारभूत विद्यालय, बडीमालिका बोर्डिंग स्कुल, क्रियटर जोन एकेडेमी, कन्भर्स ऐकेडेमी र समता स्कुलमा अध्यनरत चार हजार आठ सय विद्यार्थीहरुको मुटुरोग परिक्षण गरिएको नेपाल हृदयरोग निवारण प्रतिष्ठान शाखा बाजुराका सचिव दयाराम पण्डितले बताउनु भयो ।

उनले दिएको जानकारी अनुसार शिविरमा मुटुरोग परिक्षण गरिएका मध्ये ४१ जना विद्यार्थीमा मुटु रोगको समस्या देखिएको उपचारमा संलग्न चिकित्सक डाक्टर प्रकाशराज जोशीले बताएका छन् । विद्यार्थीहरुको मुटु रोग परिक्षण गर्दा ४१ जनामा समस्या देखिएको र पाँच जनाको तत्काल नै शैल्यक्रिया गर्नुपर्ने अवस्था रहेको डाक्टर जोशीले बताए ।

परिक्षणमा तत्काल शल्यक्रिया गर्नुपर्ने पाँच जना बालबालिकालाई निःशुल्क उपचारका लागि काठमाडौं लिइने नेपाल हृदयरोग निवारण प्रतिष्ठान शाखा बाजुराका सचिव पण्डितले बताएका छन् । शिविरमा बालबालिकाहरुको निःशुल्क मुटुरोग परिक्षण गरिनुका साथै मुटुरोग सम्बन्धीे समस्याहरुको सचेतना समेत दिइएको सचिव पण्डितले बताए ।

विशेषज्ञ डाक्टरहरुके टोली दुर्गममा पुगेर निःशुल्क मुटुरोग परिक्षण गरिएपछि विपन्न र तथा आर्थिक अवस्था कमजोर परिवारका बालबालिकाहरुलाई राहत मिलेको छ । शिविर सदरमुकाम मार्तडीमा रहेको मालिका नमुना माध्यमिक विद्यालयमा संचालन गरिएको थियो ।

किनारा न्यूजबाट साभार

Nationpati
सूचना विभाग दर्ता नंः 2044/077-78

Kathmandu
+977 01 9861780894 / 9843050426
[email protected]
[email protected]

विज्ञापनका लागि सम्पर्क


रीता शाही 9848222440
[email protected]
Copyright © 2023 Nationpati. All Rights Reserved. Developed by Volcussoft.