बझाङमा ठुलीआमाको हत्या गरेको आरोपमा एक जना पक्राउ

बझाङ : बझाङमा आफ्नै ठुलीआमाको हत्या गरेको आरोपमा एक जना पक्राउ परेका छन् । आफ्नै ठुलीआमा ७० वर्षीया कलुली देवी पातलीलाई कुटपिट गरी हत्या गरेको अभियोगमा बुङगल नगरपालिका ११ तल्लो मौरेबांज बस्ने ३६ वर्षीय हरजित बहादुर पातलीलाई पक्राउ गरिएको हो ।

प्रहरीका अनुसार उनि मंगलबार राति पक्राउ परेका हुन् ।
उनले मादक पदार्थ सेवन गरी कलुली देवीलाई कुटपिट गर्दा घटनास्थलमै मृत्यु भएको भन्ने खबर प्राप्त हुनासाथ अस्थायी प्रहरी पोष्ट पुतलीलेक र जिल्ला प्रहरी कार्यालय बझाङबाट खटिएको प्रहरीले हरजितलाई पक्राउ गरेको हो ।

यस सम्बन्धमा प्रहरीले आवश्यक अनुसन्धान गरिरहेको जनाएको छ ।