काठमाडौं । नेपाल प्रहरीमा रिक्त हुन लागेका अतिरिक्त महानिरीक्षक (एआईजी)का दुई दरबन्दीमा बढुवा गर्न सोमबार दुई जना डीआईजीको नाम सिफारिस गरिएको छ ।
गृहसचिवको अध्यक्षतामा प्रधानमन्त्री तथा मन्त्रिपरिषद् कार्यालयका सचिव र प्रहरी महानिरीक्षक (आईजीपी) सदस्य रहने बढुवा समितिले डीआईजीद्वय उमेशराज जोशी र भीमप्रसाद ढकाललाई बढुवा गर्न सिफारिस गरेको हो । उनीहरुविरुद्ध कुनै उजुरी नपरे अर्को साता जोशी र ढकाललाई मन्त्रिपरिषद् कार्यालयले एआईजीमा बढुवा गर्नेछ ।
एआईजीद्वय सन्दीप भण्डारी र मीरा चौधरीले अवकाश पाउने भएपछि रिक्त स्थानमा बढुवा सिफारिस भएको हो । एक साता उजुरीको समय रहने भएकाले यसबीचमा एआईजीमा दुई दरबन्दी खाली भइसकेका हुनेछन् । जोशीले आगामी असार र ढकालले असोजमा अवकाश पाउँदैछन् ।
तल्ला दर्जामा दरबन्दी खाली भएको महिनौं हुँदा पनि पूर्ति नगर्ने विगतको परिपाटी अन्त्य गर्दै यस पटक समयमै बढुवा सिफारिस निकालिएको छ । यसअघि एसपीमा दरबन्दी खाली हुन थालेको झण्डै ९ महिनापछि मात्र बढुवा गरिएको थियो । अन्य दर्जाहरुमा भने समयमै रिक्त दरबन्दी पूर्ति हुने गरेको छैन ।
सम्वन्धित समाचार
आगामी निर्वाचनमा २ लाख कर्मचारी परिचालन हुँदै
प्रचण्ड र देउवालाई जाँचबुझ आयोगको पत्र
चौथोपटक मन्त्रिपरिषद् विस्तार हुँदै
मन्त्रिपरिषद् विस्तार : कुलमानलाई ऊर्जा, अर्थमा रामेश्वर, गृह मन्त्रालयमा ओमप्रकाशलाई जिम्मेवारी ?
राज्य व्यवस्था समितिको सभापतिमा मंगलबार मनोनयन, ११ गते निर्वाचन
सङ्घीय सरकारले उत्कृष्ट नतिजा ल्याउने स्थानीय तहलाई सम्मान गर्ने