जिसस बाजुराको छैटौं जिल्ला सभा सम्पन



बाजुरा :  जिल्ला समन्वय समिति बाजुराकोे छैटौं जिल्ला सभा सम्पन भएको छ । आर्थिक वर्ष ०८०–८१ को वार्षिक प्रगति समीक्षा सहित जिल्ला सभा सम्पन भएको हो । संघ,प्रदेश र स्थानियतह विच समन्वय तथा अन्तरक्रिया कार्यक्रमको आयोजना मार्फत छैटौं जिल्ला सभा सम्पन गरिएको जिसस बाजुराले जनाएको छ ।

बाजुरा जिल्लाका ९ वटै स्थानिय तहका प्रमुख एबम् उपप्रमख,सरकारी तथा गैरसरकारी कार्यालयका प्रमुखहरुले आ–आफ्नो कार्यालयको प्रगती विवरण जिल्ला सभामा राखेका थिए । जिल्ला समन्वय समिती बाजुराको प्रगती विवरण भने बिहिबार पत्रकार सम्मेलन मार्फत जानकारी गर्ने निमित्त कार्यालय प्रमुख दिपेन्द्र पाण्डेले बताएका छन् ।

बडीमालिका नगरपालिकाको सभाहलमा संचालन गरिएको छैटौ जिल्ला सभाको उद्घाटन संघिय मामिला तथा सामान्य प्रशासन मन्त्री भानुभक्त जोशीले गर्नुभएको थियो । “समृद्धीका लागी समन्वय र सहकार्य”भन्ने मुल नाराका साथ कार्यक्रम सम्पन गरिएको हो ।

जिल्ला समन्वय समिती बाजुराका प्रमुख तुलसीराम रोकायाको अध्यक्षतामा संचालन भएको छैटौं जिल्ला सभाका प्रमुख अथिती संघिय मामिला तथा सामान्य प्रशासन मन्त्री भानुभक्त जोशी रहनु भएको थियो । त्यस्तै कार्यक्रमका विशिष्ट अथिती नेपाली काँग्रेसका सहमहामन्त्री तथा प्रतिनिधी सभा सदस्य बर्दीप्रशाद पाण्डे रहेनु भएको थियो ।

त्यस्तै अथिती प्रमुख जिल्ला अधिकारी भिमाकान्त पौडेल,नेकपा एमाले बाजुराका अध्यक्ष भरत थापा, नेकपा एकिकृत समाजवादी बाजुराका अध्यक्ष पुरबहादुर रावत रहेका थिए । त्यस्तै कार्यक्रममा पालिकाका प्रमुख,उपप्रमुख,सरकारी तथा गैरसरकारी कार्यालयका प्रमुख लगायत पत्रकारहरुको सहभागिता रहेको थियो । कार्यक्रमको संचालन जिसस बाजुराका निमित्त कार्यालय प्रमुख दिपेन्द्र पाण्डेले जले गरेका थिए ।

Nationpati
सूचना विभाग दर्ता नंः 2044/077-78

Kathmandu
+977 01 9861780894 / 9843050426
[email protected]
[email protected]

विज्ञापनका लागि सम्पर्क


रीता शाही 9848222440
[email protected]
Copyright © 2023 Nationpati. All Rights Reserved. Developed by Volcussoft.