सहित्यकार शाहीको अन्तर्राष्ट्रिय नारी दिवस बिशेष एक गजल

नारी दिवस बिशेष एक गजल

बलत्कार’मा परेकीलाई कैले आउछ नारी दिवस ?

भूर्ण मै हत्या भएकीलाई कैले आउछ नारी दिवस ?

जसलाई तीमीले बेश्या भन्छौनी भोकै मर्न नसकेर

आफ्नै शरीर बेचेकीलाई कैले आउछ नारी दिवस ?

दाइजो नल्याएको निहुमा चरम यातना सहन नसकेर

मट्टितेल छर्केर जलेकीलाई कैले आउछ नारी दिवस?

घरभित्रै हुन्छन् नारी हिंसा, विभेद, शोषण अत्याचार

अन्याय सहेर बसेकीलाई कैले आउछ नारी दिवस ?

मासिक रजस्वला भए संगै अपवित्र हुन्छिन् उनी

छाउ गोठमै मरेकिलाई कैले आउछ नारी दिवस?

साहित्यकार रिता शाही

बाजुरामा जन्मिएकी शाही लामो समय देखी नेपाली साहित्यमा कलम चलायदै आएकी छन् । साहित्यका बिभिन्न बिधा अन्तरगत कथा कबिता, मुक्तक, गजल आदीमा कलम चलाउने शाहीले दुईवटा कृति समेत बजारमा ल्याइसकेकी छन् । उनका तिता मिठा पल, चिनारी नामक दुईवटा गजल सग्रह बजारमा छन् । समाजसेवामा समेत समपिर्त शाही नेपाली कांग्रेसकी अब्बल महिला नेतृ पनि हुन् । उनले पछिल्लो समयमा समाजसेवालाई आफ्नो दैनिकी नै बनाएकी छन् । यो संगै शाशी साहित्य र राजनितीमा पनि त्यत्तिकै सक्रिय छन् ।