बाजुराको बडीमालिकाका कर्मचारी बीच कुटाकुट, एक कर्मचारी घाइते

बाजुरा– बडिमालिका नगरपालिकाका कर्मचारी बीच कुटाकुट भएको घटना बाहिरिएको छ । कर्मचारीहरु बीच एक आपसमा कुटाकुट भएपछि एक कर्मचारी घाइते समेत भएकी छन् । मेड्पा परियोजना प्रमुख रन्जीता शाहीले आफ्नै कर्मचारी माथि हातपात गरेकी हुन् । शुक्रबार दिउँसो कार्यालय समयमै शाहीले आफ्नै कर्मचारी कबिता कुमारी सुर्यबंसीमाथी हातपात गरेको बताइएको छ ।

नगरपालिकामा नयाँ प्रमुख प्रशासकिय अधिकृत आइसकेपछी दैनिक कामको बिवरण सहितको कार्यसम्पादन गर्ने नियम बनाएपछि कार्यसम्पादन कागजात शाखा प्रमुखले च्यातेर फालिदिएपछी बिबाद हुदै चर्काचर्की भएको  थियो । उक्त विवादलाई लिएर आफुमाथी हातपात कुटपिटबाट घाइते भएकी कर्मचारी कबिता कुमारी सुर्यबंसीले बताइन् । प्रमुख प्रशासकिय अधिकृतले कार्यसम्पादन सम्बन्धी डकुमेन्ट दिएको र सो डकुमेन्ट शाखा प्रमुख शाहीले च्यातिदिएपछी बिबाद सुरु भएको उनले बताईन् । उनि कुटिएपछी टाउकोमा चोट लागेर जिल्ला अस्पताल बाजुराको आकस्मीक कक्षमा उपचारमा रहेको पनि उनले बताएकी छन् ।

कार्यालय प्रमुखको कक्षमा कर्मचारी सुर्यबंसीले आफुमाथी भएको कुटपिट बारे सुनाउदै गर्दा एकाएक बेहोस भएर अस्पताल पठाएको प्रमुख प्रशासकिय अधिकृत बम बहादुर केशीले जानकारी दिएका छन् । ” दुबै कर्मचारीहरु बिच आन्तरिक द्धन्द्ध हुँदै आएको थियो, हुनसक्छ कार्यलयमा भनाभन र लुछाचुडी भएको, योबिषय  कुरा सामान्य जस्तै हो” प्रमुख प्रशासकिय अधिकृत केशीले भने । आफु आज धनगडी जानुपर्ने भएकोले सो कुरालाइ आफु आइसकेपछी मिलाउने बताएका छन ।

कर्मचारी कबिता कुमारी सुर्यबंसीले भने पहिला देखी शाखा प्रमुख शाहीले आफुलाई हेप्दै आएको  आरोप लगाएकी छन् । शुक्रबारको घटना बाहिर आए पनि यस अघि पनि कार्यालयमा छाडा गालि गर्ने र हेप्ने गरेको उनले सुनाइन् ।  सुर्यबंसीले भनिन “कार्यालयमा शाहीले परियोजनाको पैशा समेत हिनाबिना गरेको  छन् , सामान खरिद गर्दा आफ्नै मनपरी गरेको छन् , यहीँ बिषयमा  कुरा उठाउदा आफुमाथी आक्रमण भएको हो ”  शाखा प्रमुख जिम्मेवारी पाएकी शाहीले परियोजनाका बारेमा समन्वय, सहकार्य नगरि कार्यक्रम एकलौटी चलाउदै आएकी र आफुले सो कुराको बिरोध गर्दा आफुले हेपिनु परेको उनको दुखेसो छ ।

बडिमालिका वडा नम्मर २ मा प्रबिधी बितरण कार्यक्रम अन्तरगतको ६ लाख रुपियाँ हिनाबिना गरेको र सो उजुरी न्यायीक समितिमा गएको पनि उनले बताएकी छन । न्यायिक समितिले पनि हालसम्म सो मुद्धा नहेरिदिएको उनको आरोप छ ।

यतिबेला यो बिषयलाई लिएर नगरपालिकाको प्रशासन माथी नै प्रश्न चिन्ह खडा भएको छ । यतिमात्र होईन राष्ट्रसेवक कर्मचारी माथी पनि नैतिकताको प्रश्न खडा भएको छ । कर्मचारीहरुले नै कार्यालयमै एक आपसमा विवाद गरेर कुटपिट सम्मको परिस्थिति सिर्जना भएको घटनाले सिङ्गो नगरपालिकाको नै चर्को आलोचना सुरु भएको छ ।