सुदूरपश्चिमएली समाज साउदी अरब द्वारा महिला च्याम्पियनसिप २०७४ को उपविजेता टिमलाई सम्मान

काठमाडौं : सुदूरपश्चिमएली नेपाली समाज साउदी अरब द्वारा WAFF महिला च्याम्पियनसिप २०७४ को उपविजेता नेपाली महिला फुटबल टिमलाई सम्मान गरिएको छ । एक औपचारिक कार्यक्रमका बीच उपविजेता टिमलाई नगद पुरस्कार सहित सम्मान गरिएको हो ।

खेलाडीहरुलाई सम्मान पत्र र प्रोत्साहन रकम स्वरुप रु १ लाख नगद समेत हस्तान्तरण गरिएको सामाजिक अभियान्ता रिता शाहीले जानकारी दिएकी छन् । उनिहरुलाई नगद पुरस्कार सहित सम्मान गरेर जेद्धाको विमानस्थल बाट बिदाई गरिएको पनि उनले बताएकी छन् ।

सम्मान तथा नगद पुरस्कार हस्तान्तरण कार्यक्रममा महा बाणिज्य दूतावासका महावाणिज्यदूत शत्रुध्वन पोखरेल,श्रम सहकार्यका प्रतिनिधि ताम्राराज काफ्ले, सुदूरपश्चिमएली नेपाली समाजका महासचिव केशव बहादुर सिंह , वरिष्ठ उपाध्यक्ष पदम महत, उपाध्यक्ष चक्र मल्ल, सचीव केशव सिंह धामी, सदस्य बाबुराम रिजाल एवं जेद्धा स्थित विभिन्न संघसस्थाका प्रतिनिधि, समाजसेवी लगायतको सहभागिता रहेको थियो।