मन्त्री ज्वालाबारे नेकपा एसले भन्यो- प्रधानमन्त्रीले निष्कर्ष दिनुभएको छैन

काठमाडौं । नेकपा एकीकृत समाजवादीले भौतिक पूर्वाधारमन्त्री प्रकाश ज्वालाबारे प्रधानमन्त्रीको निष्कर्ष आइसकेपछि मात्रै निर्णय गर्ने भएको छ । बिहिबार बसेको सचिवालयको बैठकमा छलफल भएपछि ठोस निष्कर्षमा नपुगेको प्रवक्ता जगन्नाथ खतिवडाले बताए।

तर कसलाई कुन कारणले दोषी देखाइएको छ भन्ने जानकारी नभएको र प्रधानमन्त्रीले जाँचबुझ आयोगको प्रतिवेदन अध्ययन गरिहेकाले कुनै निर्णय नगरेको प्रचार विभाग प्रमुख जगन्नाथ खतिवडाले जानकारी दिए ।

१३ पुसमा दुई युवकको मृत्यु हुने गरी ललितपुरको बालकुमारीमा भएको घटनाबारे जाँचबुझ गर्न गठित आयोगले गत शुक्रबार उपप्रधानमन्त्री तथा गृहमन्त्री नारायणकाजी श्रेष्ठलाई प्रतिवेदन बुझाएको थियो ।

मन्त्री नगएको भए घटना नहुने समितिको निष्कर्ष छ ।