शनिवारबाहेक ३० दिन मात्रै सार्वजनिक बिदा

काठमाडौं । नेपाल सरकारले आगामी वर्ष शनिवार बाहेक विभिन्न पर्व दिवस तथा जन्म जयन्तीका अवसरमा ३० दिन मात्रै सार्वजनिक बिदा दिने निर्णय गरेको छ ।

सार्वजनिक बिदाको दिन बाहेक वर्षभरिमा ५३ दिन भने शनिवार बिदा हुनेछ । देशभरका लागि लागू हुने सार्वजनिक बिदा र शनिवार जोड्दा सबै नागरिकका लागि आगामी वर्ष २०८१ मा ८३ दिन सार्वजनिक बिदा हुने भएको छ ।

बिदा सूची अनुसार मुलुकभरि सार्वजनिक बिदा हुने पर्वमा नव अर्थात् वैशाख एक गते रहेको छ । उक्त दिन भने शनिवार परेको छ ।

विदेशस्थित नेपाली नियोगले सम्बन्धित मुलुकका सार्वजनिक बिदालाई समेत ध्यानमा राखेर बढीमा १९ दिनसम्म सार्वजनिक बिदा आफैले व्यवस्थापन र समायोजन गर्न सक्ने भनिएको छ ।