विद्यार्थी संख्या बढाउन एमाले प्रमुख सचेत गिरीले दिए यस्ता सुझाव

काठमाडौं । सामुदायिक विद्यालयहरुमा विद्यार्थी घट्दै गएकोप्रति एमाले प्रमुख सचेतक पदम गिरीले चिन्ता व्यक्त गरेका छन् । पर्वत जिल्लाको पूर्णेश्वर माविको ६३ औं वार्षिकोत्सव कार्यक्रमको उद्घाटन गर्दै विद्यार्थीको संख्या घट्दै गएकोप्रति चिन्ता व्यक्त गरेका हुन् ।

ग्रामीण क्षेत्रहरुमा रहेका कतिपय सामुदायिक विद्यालयहरुमा निकै कम मात्र विद्यार्थी संख्या हुने गरेको भन्दै त्यस्ता विद्यालयहरुलाई मर्ज गरेर भए पनि विद्यार्थीलाई गुणस्तरीय र सुविधायुक्त सेवा दिनुपर्ने गिरीको भनाइ छ ।

वर्तमान शिक्षा प्रणालीमा अंग्रेजी माध्यमको अध्यापनमा विद्यार्थीको आकर्षण हुने गरेका कारण सरकारी विद्यालयहरुले पनि अंग्रेजी माध्यमको अध्यापनलाई प्राथमिकता दिएर विद्यार्थीको भर्नादर बढाउनुपर्ने गिरीको सुझाव छ ।