बझाङ। रीड नेपालको आयोजना तथा खप्तडछान्ना गाउँपालिकाको समन्वयमा ५ दिने एकीकृत पाठ्यक्रम सम्बन्धि पुनर्ताजगी शिक्षक तालिम सम्पन्न भएको छ।
समापन कार्यक्रममा सहभागीको तर्फबाट बोल्दै शिक्षक प्रमिला रोकायाले तालिममा धेरै विषयवस्तुमा नयाँ सिपहरु सिक्न पाएकोमा रीड नेपाललाई धन्यवाद दिदै सिकेका सिपलाई अनिबार्य कक्षाकोठामा प्रयोग गर्ने बताउनु भयो । त्यस्तै सहभागीको तर्फबाट बोल्दै शिक्षक हरि बहादुर जेठाराले तालिमले एकीकृत पाठ्यक्रमको प्रयोग सम्बन्धमा भएको असहझतालाई सहज बनाएकोले सबै शिक्षकलाई पाठ्यक्रम प्रयोग गरि विद्यार्थीको सिकाइ वृद्धिगर्न सबैसभागिलाई आग्रह गर्दै आफुपनी प्रयोग गर्ने प्रतिबद्धता गर्दै शिक्षकको आबश्यकताको आधारमा तालिम संचालन गरेकोमा धन्यवाद दिनु भयो।
सामापन कार्यक्रममा बोल्दै रीड नेपालका प्रमुख कार्यकारी अधिकृत भिम बहादुर बोगटीले अझैपनि विद्यार्थीको सिकाइ कमजोर रहेकोले शिक्षकले शैक्षिक सामग्री सहित सिकाइ गर्न र कक्षाकोठालाई पनि शैक्षिकमय बनाउन अनुरोध गर्दै तालिममा सिकेका सिपलाई अनिबार्य कक्षाकोठामा प्रयोग गर्नुका साथै सिकाइ सुधारमा विद्यार्थी निरन्तर मूल्याकंन र पाठ्यक्रम अनिवार्य प्रयोग गर्न अनुरोध गर्नुका साथै कामको मूल्याकंनको आधारमा विद्यालयलाई सहयोग गरिने बताउनु भयो।
तालिममा एकीकृत पाठ्यक्रमको अबधारणा , एकीकृत सिकाइ योजना निर्माण, प्रयोग र अभ्यास ,विद्यार्थी सिकाइ मूल्याकंनको प्रयोग र अभ्यास लागाएतका विषयवस्तुमा तालिम संचालन गरिएको रीड नेपालका शिक्षा संयोजक जनक राज जोशी बताउनु भयो।
तालिममा ३८ विद्यालयका ९३ जनाको सहभागिता रहेको । तालिमको सहजीकरण रीड नेपालका शिक्षा बिकास संयोजक केशव देब गिरि, जनकराज जोशी, शिक्षा बिकास अधिकृत सुजाता राई र उमा भट्टले गरेको थियो।
सम्वन्धित समाचार
“Fostering Diversity, Equity, Inclusion and Innovation in Early Grade Learning.”
रीड नेपालद्धारा १० दिने शिक्षकको पेशागत विकास तालिम सम्पन्न
अपाङ्गता, समावेशी शिक्षा र प्रारम्भिक पहिचान सम्बन्धि तीनदिने तालिम सम्पन्न
राष्ट्रपति शैक्षिक सुधार कार्यक्रम स्थगित, आउँदो बर्षदेखि सिधै स्थानीय तहमा
शिक्षण सिकाई अभिवृद्धि पाँचदिने ICT तालिम सम्पन्न
रीड नेपालद्वारा ताप्लेजुङमा ICT तालिम सुरु