कांग्रेसले अझै पाएन संसदीय दलको उपनेता

काठमाडौं । संसदीय दलको नेतामा चयन भएको एक वर्ष पुगिसक्दा पनि नेपाली कांग्रेसका सभापति शेरबहादुर देउवाले संसदीय दलको उपनेता बनाएका छैनन् ।

कांग्रेसको संसदीय दलको विधान अनुसार दलको नेताले उपनेता मनोनीत गर्ने व्यवस्था छ । गत पुस ६ मा देउवा संसदीय दलको नेतामा चयन भएको एक वर्ष पुगेको छ । अघिल्लोपटक भने देउवाले संसदीय दलको नेतामा निर्वाचित भएकै महिना अर्थात् २०७४ फागुनमा उपनेता मनोनीत गरेका थिए ।

संसदीय दल विधानमा दलको नेताले आफ्नो कार्यमा सहयोग गर्न तथा तोकेको काम गर्नसदस्य मध्येवाट एक उपनेता मनोनयन गर्न व्यवस्था छ । दलका नेताको अनुपस्थितिमा उपनेताले संसदीय दल र कार्यसमिति वैठकको अध्यक्षता गर्ने अधिकार छ ।

प्रचार विभाग प्रमुख मीन विश्वकर्माका अनुसार पहिले कार्यसमितिको निर्वाचन हुने त्यसलगत्तै दलको उपनेता मनोनीत हुनेछन् ।