पत्रकार मृत्यु र मिडियामाथिको आक्रमणविरुद्ध प्रदर्शन

काठमाडौँ । पत्रकार सुरेश रजकको हत्या गरिएको विरोधमा माइतीघरमा प्रदर्शन गरिएको छ ।

राजावादीको हिंसात्मक प्रदर्शनका क्रममा रिपोर्टिङ गरिरहेका पत्रकारको मृत्यु र सञ्चार संस्थामाथि भएको आक्रमणको घटनालाई लिएर नेपाल पत्रकार महासंघको अगुवाइमा माइतीघरमा विरोध प्रदर्शन गरिएको छ ।

प्रदर्शनका क्रममा विभिन्न सञ्चारगृहमा कार्यरत पत्रकार, फोटोपत्रकार, भिडियो पत्रकारहरुले रिपोर्टिङका क्रममा दिवंगत भएका भिडियो पत्रकार सुरेश रजकलाई श्रद्धाञ्जली अर्पण गर्दै पत्रकारहरुको पेसागत सुरक्षाको ग्यारेन्टीको माग गरेका छन् ।