काठमाडौं । नेपाल ओमानमा जारी एसीसी प्रिमियर कप २०२४ को सेमिफाइनलमा पुगेको छ । सोमबार समूह ए को अर्को खेलमा कतारले मलेसियालाई ४ विकेटले हराएसँगै नेपालको सेमिफाइनल यात्रा पक्का बनेको हो ।
समूह ए बाट नेपालपछि अब साउदी अरेबिया मात्रै ६ अंकमा पुग्न सक्ने समीकरण हुँदा एक खेल अगावै सेमिफाइनलमा पुगेको हो ।
नेपालले तीन खेलमा तीन जित हासिल गर्दै ६ अंक बटुलेको छ । समूहबाट दुईवटा टिम सेमिफाइनलमा जानेछन् । आजै भएको खेलमा कतारले मलेसियालार्ई पराजित गरेसँगै नेपालको सेमिफाइनल यात्रा सुनिश्चित भएको हो ।
साउदी अरब, कतार र हङकङले तीन–तीन खेलेर एक मात्र जित हासिल गरेका छन् । अब उनीहरुले एक खेल मात्रै खेल्न बाँकी रहेकाले ६ अंक ल्याउन सम्भव छैन । साउदी अरबले दुई खेल खेल्न बाँकी छ । एक खेल जितेको साउदीले बाँकी दुई खेल जितेमा ६ अंक ल्याएर नेपालसँग सेमिफाइनलमा प्रवेश गर्न सक्छ ।
ओमान नेट रन रेटमा माथि रहँदै शीर्ष स्थानमा छ । ओमान र यूएईबीच आज खेल हुँदैछ । यी दुई टोलीबीचको खेलमा पराजित हुने टोलीसँग नेपालले सेमिफाइनल खेल्ने सम्भावना देखिन्छ । प्रतियोगिता विजेताले मात्रै टी २० एसिया कप खेल्नेछ । एसिया कप टी २० विश्वकपपछि हुनेछ ।
सम्वन्धित समाचार
एसीसी प्रिमियर कप : नेपालले टस हारेर पहिला ब्याटिङ गर्ने
एसीसी प्रिमियर कपमा नेपालले आज हङकङसँग खेल्दै
टी-२० विश्वकपका लागि नयाँ जर्सी सार्वजनिक
सन्दीप विरुद्ध सरकारी वकिल पक्ष पनि उच्च अदालत पुग्यो
घरेलु मैदानमा उपाधि जित्न नेपाल असफल
टी-२० आई सिरिजको उपाधिका लागि नेपालले नेदरल्यान्ड्ससँग खेल्दै