नेपाल ए ले क्यानडाविरुद्ध ब्याटिङ गर्दै

काठमाडौं। नेपाल एले क्यानडा-११ सँगको एकदिवसीय सिरिजको अन्तिम निर्णायक खेलमा पहिला ब्याटिङ गर्दैछ। मुलपानी क्रिक्रेट मैदानमा क्यानडा-११ ले टस जितेर पहिले बलिङ गर्ने निर्णय गरेपछि नेपालले ब्याटिङको निम्तो पाएको हो ।

यसअघि भएका २ खेलमध्ये पहिलो खेल क्यानडा-११ ले ४ विकेटले जितेको थियो भने दोस्रो खेल नेपालले २ विकेटले जित्दै शृङ्खला १-१ को बराबरी गरेको छ ।

यो खेल सिरिजको निर्णायक खेल हो । १-१ को बराबरी रहेको सिरिजमा यो खेलको विजेताले सिरिज जित्नेछ । पहिलो खेलमा क्यानडासँग ४ विकेटले पराजित भएको नेपाल ‘ए’ टीमले दोस्रो खेलमा क्यानडालाई २ विकेटले पराजित गरेको थियो ।