माओवादी केन्द्रको स्थायी कमिटी बैठक बस्दै

काठमाडौं । नेकपा माओवादी केन्द्रको स्थायी कमिटी बैठक बस्दैछ ।

विहीबार बिहान ११ बजे पार्टी केन्द्रीय कार्यालय पेरिसडाँडामा बस्ने बैठकमा विधान अधिवेशनको समीक्षा, नेताहरुको जिम्मेवारी बाँडफाँट र समसामयिक राजनीतिक परिस्थितिबारे छलफल हुने भएको छ ।

आगामी चैत १ देखि १५ गतेसम्म हुने तराई मधेश जागरण अभियान र आगामी वैशाख १ देखि १५ गतेसम्म हुने हिमाल, पहाड, तराई एकता अभियानको विषयमा पनि बैठकमा छलफल हुन सक्ने छ ।

त्यस्तै अभियानको रुट, लिडर र कार्यक्रमको खाकाको विषयमा पनि छलफल रहनुका साथै सरकारका काम र गठबन्धनको समीक्षा पनि हुने जनाएको छ ।